FIFA prezidenti Janni Infantino FIFA Arab Kubogini tashkil etish rejalarini ma’lum qildi.

Musobaqada 22 ta terma jamoasi ishtirok etadi. Turnir 2021 yilning 1 dekabridan 18 dekabrigacha davom etadi.

Turnir 2022 yili Qatarda bo‘lib o‘tadigan Jahon Chempionati oldidan sinov musobaqasi sifatida tashkil etiladi.

Osiyo futbol konfederasiyasidan Qatar, Bahrayn, Iroq, Iordaniya, Quvayt, Livan, Ummon, Falastin, Saudiya Arabistoni, Siriya, BAA va Yaman terma jamoalari ishtirok etadi.

Afrika futbol konfederasiyasidan esa Jazoir, Jibuti, Misr, Komor Orollari, Liviya, Mavritaniya, Marokash, Somali, Sudan va Tunis terma jamoalari qatnashadi.

Kubokning so‘nggi bosqichida ishtirok etadigan 16 ta jamoa 4 guruhga bo‘linadi, har bir guruhning eng yaxshi ikki terma jamoasi keyingi bosqichga yo‘l oladi. Rejaga ko‘ra, 18 kun mobaynida 32 ta o‘yin bo‘lib o‘tadi.