ФИФА президенти Жанни Инфантино ФИФА Араб Кубогини ташкил этиш режаларини маълум қилди.

Мусобақада 22 та терма жамоаси иштирок этади. Турнир 2021 йилнинг 1 декабридан 18 декабригача давом этади.

Турнир 2022 йили Қатарда бўлиб ўтадиган Жаҳон Чемпионати олдидан синов мусобақаси сифатида ташкил этилади.

Осиё футбол конфедерациясидан Қатар, Баҳрайн, Ироқ, Иордания, Қувайт, Ливан, Уммон, Фаластин, Саудия Арабистони, Сирия, БАА ва Яман терма жамоалари иштирок этади.

Африка футбол конфедерациясидан эса Жазоир, Жибути, Миср, Комор Ороллари, Ливия, Мавритания, Марокаш, Сомали, Судан ва Тунис терма жамоалари қатнашади.

Кубокнинг сўнгги босқичида иштирок этадиган 16 та жамоа 4 гуруҳга бўлинади, ҳар бир гуруҳнинг энг яхши икки терма жамоаси кейинги босқичга йўл олади. Режага кўра, 18 кун мобайнида 32 та ўйин бўлиб ўтади.