Italiyaning «Milan» klubi bosh murabbiyi Stefano Pioli koronavirus sababli karantinga olinganligi uchun, jamoaga Yevropa Ligasining 4-tur doirasida Fransiyaning "Lill" (1:1) klubiga qarshi o‘tkazilgan o‘yinda Daniele Bonera murabbiylik qildi.
«O‘yinni yaxshi o‘tkazdik, lekin gol o‘tkazib yuborgan vaziyatimizda biroz befarqlik qildik. Birinchi uchrashuvdan farqli ravishda, bugun o‘yin borasida tashabbusga ega bo‘ldik. Futbolchilarning ko‘rsatgan o‘yinidan qoniqdik, faqatgina natija biz o‘ylagandek bo‘lmadi.
Tonaliga ishonamiz, u bugun jamoamizning o‘yinini aniqlab berdi. U jiddiy va aqlli yigit, uning o‘yinidan qoniqdik.
Jamoaning o‘rtacha yoshidan xursandmiz. Tarkibimizda yosh futbolchilar juda ko‘p. «Milan» yosh jamoa, lekin Kyera kabi tajribali futbolchilar sezilarli darajada yordam berishmoqda.
Ibragimovich biz uchun juda muhim, lekin jamoa uning yo‘qligini bilintirmaslikka harakat qildi. Tarkibda Zlatan bo‘lsa ham, bo‘lmasa ham jamoamizning ruhiyati shunday», – dedi Bonera Sky Sport Italia bilan suhbatda.
