Италиянинг «Милан» клуби бош мураббийи Стефано Пиоли коронавирус сабабли карантинга олинганлиги учун, жамоага Европа Лигасининг 4-тур доирасида Франциянинг "Лилль" (1:1) клубига қарши ўтказилган ўйинда Даниэле Бонера мураббийлик қилди.

«Ўйинни яхши ўтказдик, лекин гол ўтказиб юборган вазиятимизда бироз бефарқлик қилдик. Биринчи учрашувдан фарқли равишда, бугун ўйин борасида ташаббусга эга бўлдик. Футболчиларнинг кўрсатган ўйинидан қониқдик, фақатгина натижа биз ўйлагандек бўлмади.

Тоналига ишонамиз, у бугун жамоамизнинг ўйинини аниқлаб берди. У жиддий ва ақлли йигит, унинг ўйинидан қониқдик.

Жамоанинг ўртача ёшидан хурсандмиз. Таркибимизда ёш футболчилар жуда кўп. «Милан» ёш жамоа, лекин Кьера каби тажрибали футболчилар сезиларли даражада ёрдам беришмоқда.

Ибрагимович биз учун жуда муҳим, лекин жамоа унинг йўқлигини билинтирмасликка ҳаракат қилди. Таркибда Златан бўлса ҳам, бўлмаса ҳам жамоамизнинг руҳияти шундай», – деди Бонера Sky Sport Italia билан суҳбатда.