«Yuventus» forvardi Krishtianu Ronaldu A Seriya navbatdagi turi doirasida «Benevento»ga qarshi bahsni o‘tkazib yuborishi kutilmoqda.

Bu haqda "Sports Italia" portali xabar bermoqda. Jamoa bosh murabbiyi Andrea Pirlo bu safar og‘ir o‘yinlardan so‘ng portugaliyalik futbolchiga dam berishni rejalashtirgan. Italiyalik mutaxassis ertangi bahsda jiddiy rotasiya ishlariga qo‘l urish niyatida. «Benevento» ga qarshi bahsni old chiziqda katta ehtimol bilan Dibala, Morata va Kulusevski triosi boshlashi kutilmoqda.

Shu bilan birga umumjamoa mashg‘ulotlarga Leonardo Bonuchchi qaytgan bo‘lsa, Demiral va Kyellinilar hali ham jarohatdan forig‘ bo‘la olishmagan.

Eslatib o‘tamiz, «Benevento» hamda «Yuventus» uchrashuvi ertaga Toshkent vaqti bilan 22:00 da start oladi.