«Ювентус» форварди Криштиану Роналду А Серия навбатдаги тури доирасида «Беневенто»га қарши баҳсни ўтказиб юбориши кутилмоқда.
Бу ҳақда "Sports Italia" портали хабар бермоқда. Жамоа бош мураббийи Андреа Пирло бу сафар оғир ўйинлардан сўнг португалиялик футболчига дам беришни режалаштирган. Италиялик мутахассис эртанги баҳсда жиддий ротация ишларига қўл уриш ниятида. «Беневенто» га қарши баҳсни олд чизиқда катта эҳтимол билан Дибала, Мората ва Кулусевски триоси бошлаши кутилмоқда.
Шу билан бирга умумжамоа машғулотларга Леонардо Бонуччи қайтган бўлса, Демирал ва Кьеллинилар ҳали ҳам жароҳатдан фориғ бўла олишмаган.
Эслатиб ўтамиз, «Беневенто» ҳамда «Ювентус» учрашуви эртага Тошкент вақти билан 22:00 да старт олади.
