Ispaniya chempionatining 11-turi doirasida «Barselona» o‘z maydonida «Osasuna»ni qabul qilib, yirik hisobda g‘alaba qozondi.

Ronald Kuman jamoasi o‘z o‘yinini topib oldi va bahs davomida to‘la ustunlikka erishdi. Tanaffusga qadar kataloniyaliklar o‘zlari yaratgan ko‘plab vaziyatlarning ikkitasini golga aylantirishgan bo‘lsa, ikkinchi taymda ular raqib darvozasiga yana ikki marta yo‘l topishdi. Gollarga Breytueyt, Grizmann, Koutinyo va Messi mualliflik qilishdi.

Ushbu g‘alabadan keyin "Barsa" o‘z ochkolarini 14taga yetkazib, jadvalda 7-o‘ringa ko‘tarilib oldi.

Ispaniya chempionati, 11-tur
Barselona – Osasuna 4:0 (2:0, 2:0)
Gollar: 1:0 – 29 Breytueyt, 2:0 – 42 Grizmann, 3:0 – 57 Koutinyo, 4:0 – 73 Messi.
Barselona – ter Stegen, Alba, Langle (Alenya, 67), Mingesa, Dest (Firpo, 61), Koutinyo (Dembele, 61), de Yong, Pedri (Buskets, 46), Messi, Grizmann, Breytueyt (Trinkau, 61).
Osasuna – Errera, Unai Garsiya, Navas, Ronkalya, Vidal, Monkayola, Oyer Sanxurxo (Brashanas, 64), Ruben Garsiya (Barxa, 74), Inigo Peres (Roberto Torres, 63), Xoni Rodriges (Xuan Krus, 23), Budimir (Galyego, 74).
Ogohlantirishlar: Messi (74).