Испания чемпионатининг 11-тури доирасида «Барселона» ўз майдонида «Осасуна»ни қабул қилиб, йирик ҳисобда ғалаба қозонди.

Роналд Куман жамоаси ўз ўйинини топиб олди ва баҳс давомида тўла устунликка эришди. Танаффусга қадар каталонияликлар ўзлари яратган кўплаб вазиятларнинг иккитасини голга айлантиришган бўлса, иккинчи таймда улар рақиб дарвозасига яна икки марта йўл топишди. Голларга Брэйтуэйт, Гризманн, Коутиньо ва Месси муаллифлик қилишди.

Ушбу ғалабадан кейин "Барса" ўз очколарини 14тага етказиб, жадвалда 7-ўринга кўтарилиб олди.

Испания чемпионати, 11-тур
Барселона – Осасуна 4:0 (2:0, 2:0)
Голлар: 1:0 – 29 Брэйтуэйт, 2:0 – 42 Гризманн, 3:0 – 57 Коутиньо, 4:0 – 73 Месси.
Барселона – тер Стеген, Альба, Лангле (Аленья, 67), Мингеса, Дест (Фирпо, 61), Коутиньо (Дембеле, 61), де Йонг, Педри (Бускетс, 46), Месси, Гризманн, Брэйтуэйт (Тринкау, 61).
Осасуна – Эррера, Унаи Гарсия, Навас, Ронкалья, Видаль, Монкайола, Ойер Санхурхо (Брашанац, 64), Рубен Гарсия (Барха, 74), Иньиго Перес (Роберто Торрес, 63), Хони Родригес (Хуан Крус, 23), Будимир (Гальего, 74).
Огоҳлантиришлар: Месси (74).