Italiya terma jamoasi sobiq himoyachisi, "Napoli" klubi tarkibida Maradona bilan birga o‘ynagan Chiro Ferrara argentinalik afsonaning vafotiga o‘z munosabatini bildirdi.
“Uning vafotini qabul qilish juda qiyin. Avvaliga men gapirishni xohlamadim, ammo keyin jamoadoshim va ajoyib do‘stim haqida fikr bildirishga ehtiyoj sezdim.
Hammamiz yuz bergan voqeada juda xafa bo‘ldik. Ishonchim komilki, Diyego xotirjam keldi. Men u bilan birga o‘sganman, u haqida unutilmas xotiralarim bor. U mening do‘stim va men uni doim himoya qilganman.
U xatolari uchun pul to‘ladi. Kimdir Diyego qahramon bo‘lgan deb aytadi, lekin men qahramonlar mukammal, ular xato qilmaydi, deb o‘ylayman. Diyego antiqahramon edi. Zaif tomonlariga qaramay, u hamma vaqtlarning eng yaxshisi bo‘ldi.
U juda ajoyib edi. Antonio Kassano biroz unga o‘xshardi, ularning o‘xshashlik taraflari ko‘p edi”, - dedi Ferrara.
