Barchangizga ma’lum, Yaypanning "Turon" klubi 2020-yilgi PRO-Liga musobaqalari g‘olibligini qo‘lga kiritdi. 2017-yil 5-may sanasida tashkil etilgan jamoa endilikda yangi mavsumdan O‘zbekiston Superligasida ishtirok etadi.
"Turon" ortda qolgan davrda klub infratuzilmasini shakllantirish borasida sezilarli islohotlarni amalga oshirib kelmoqda. O‘zbekiston tumani hokimi Qahramon Jo‘rayevning tashabbusiga ko‘ra klub uy o‘yinlarini o‘tkazadigan stadionga "O‘zbekiston" nomi berildi va ayni kunda o‘yingoh holati zamonaviy ko‘rinishga keltirildi.
Qahramonjon Jo‘rayev, O‘zbekiston tumani hokimi
"O‘zbekiston" stadioni
Jamoa PRO-Liganing joriy mavsumida o‘tkazilgan 20 ta tur uchrashuvlarida 11 g‘alaba, 5 durang va 4 mag‘lubiyat qayd etgan holda 38 ochko jamg‘ardi. To‘plar nisbati — 31:19, raqiblar darvozasi 30 marta ishg‘ol etildi, 19 ta to‘p o‘tkazib yuborildi. Iqtidorli yosh hujumchi Abdulazizxon Abdurashidov raqiblar darvozasiga 7 ta gol kiritgan holda jamoa to‘purariga aylandi.
Tashkil etilganiga ko‘p vaqt bo‘lmagan bo‘lsa-da, "Turon" hozirga qadar bir qator yutuqlarga erishdi. Xususan, jamoa 2018 yilda futbol bo‘yicha Farg‘ona viloyati birinchiligi (Ikkinchi liga) musobaqalarida chempionlikni, shuningdek "Navro‘z kubogi" musobaqasida g‘oliblikni tantana qildi. Keyinchalik 2019 yilda V PRO-Liga Sharq mintaqasida birinchi o‘rinni egalladi va PRO-Ligaga o‘tish bahslarida g‘olib chiqdi. 2020-yilda xalqaro miqiyosda tashkil etilgan "Farg‘ona viloyati hokimi kubogi" musobaqasida finalgacha yetib borgan. Umuman aytganda, "Turon" futbol tizimidagi barcha bosqichlarni sport prinsiplariga amal qilgan holda bosib o‘tmoqda.
Futbol bo‘yicha Farg‘ona viloyati birinchiligi. Ikkinchi liga g‘olibi. (2018-yil)
V PRO-Liga. Sharq mintaqasi g‘olibi. (2019-yil)
Joriy yilning 20-oktyabr kuni Farg‘ona viloyati hokimi Xayrulla Bozorov o‘z oldiga yuqori maqsadlarni qo‘yib kelayotgan "Turon" klubiga tashrif buyurdi. Tashrif chog‘ida viloyat rahbari klubdagi shart-sharoitlar, futbol akademiyasi tashkil etilishi bo‘yicha amalga oshirilayotgan ishlar hamda yaratilayotgan qulayliklar bilan tanishdi. Shuningdek, klubning kelajakdagi rejalari mutasaddilar ishtirokida o‘rganib chiqildi.
Farg‘ona viloyati hokimi Xayrulla Bozorovning "Turon" futbol klubiga tashrifi jarayonidan lavhalar
Jamoa tarkibi:
Darvozabonlar: 1. Mirzohid Jalilov, 59. Amal Shavketov, 87.Akmal Ortiqov.
Himoyachilar: 3. Shukurali Po‘latov, 15. Shohrux Xolmatov, 18.Asliddin Toshtemirov, 20. Ibrohim Ahmadjonov, 22. G‘olib Sariboyev, 25. Ismoil Ohunjonov, 27.Akmal Xolmurodov.
Yarim himoyachilar: 4. Sunnatillo Ermatov, 5. Oybek Ahmatov , 7. Umidjon Qodirov, 8. Bahodir Akramov, 10. Javohir Sohibov, 14.Doniyor Ismoilov, 16. Asror Qurbonov, 17. Dostonbek Meliqo‘ziyev, 48. Musobek Muzaffarov.
Hujumchilar: 2. Abdulazizxon Abdurashidov, 9. Otabek Haydarov,11. Asilbek Qayumov, 23. Xurshidbek Asqaraliyev, 71. Mirjalol Mirzayev, 77. Bilol Toshmirzayev.
Klub rahbariyati va ishchi xodimlari:
Klub prezidenti - Abduvahob Ahmadaliyev.
Bosh murabbiy - Islombek Ismoilov.
Yordamchi murabbiy - Mirjalol Jo‘rayev.
Darvozabonlar murabbiyi - Bekzod Turg‘unov.
Sport direktori - Sobir Hamidov.
Ma’mur - Nozimjon Samatov.
Stadion direktori: Azizxon Rahmonov.
Marketing bo‘yicha mutaxassis: Zokirjon Qurbonov
Matbuot kotibi: Bekzod Tolibov
Klub shifokori - Bahodir Haydarov.
Fan klub raisi - Amirullo Sobirov.
"Turon" futbol klubi jamoasi joriy mavsumda PRO-Liga g‘olibligini qo‘lga kiritishda asosiy sababchilari hisoblanmish murabbiylar shtabiga, barcha futbolchilarga, bevosita yaqindan yordam bergan barcha insonlarga tashakkur izhor etadi. Barchangizga tarixiy chempionlik muborak bo‘lsin! Yangi tarix uchun, olg‘a, "Turon"!
"Turon" futbol klubi matbuot xizmati.
