Ushbu ruknimizdagi eng so‘nggi yangiliklar bilan tanishtirishda davom etamiz.

Bekkanbauer jarohat olgan bo‘lsada, kayfiyati chog!

Yosh Zlatan hali o‘zini oldinda nimalar kutib turganidan bexabar

Bu inson bir qarashda futbolchiga o‘xshamaydi, ammo u Urugvay tarixidagi eng kuchli futbolci sanaladi. Ektor Skarone boshchiligidagi terma futbol tarixidagi birinchi JCH g‘olibligini qo‘lga kiritgani ko‘pchilikning yodida bo‘lsa, ajab emas.

London. «Xayberi» arenasidagi butsalar saqlanadigan xona

«Manchester Yunayted» 2002 yildagi JCHdan so‘ng, o‘z tarkibida Klebersonni qo‘shib oladi. U bilan birgalikda «Sporting»dan hech kimga tanish bo‘lmagan Dos Santush Aveyru ismli o‘spirin ham Manchesterga ko‘chib o‘tadi. Kleberson «qizil iblislar» tarkibida o‘rtacha futbol namoyish etdi, haligi o‘spirin esa...

Palyuka endigina terma jamoaning birinchi raqamli darvozaboniga aylanayotgan edi, ammo qayerdandir Buffon ismli yosh darvozabon paydo bo‘lib qoladi. Ko‘p o‘tmay To‘ldi bilan birgalikda ular Palyukani termadan siqib chiqarishadi.

Ikki do‘st! Yashin va Eisebio!

Hozirgina Shevchenko abadiy va azaliy raqib Rossiya darvozasiga gol kiritdi va ruslarni katta musobaqada ishtirok etish huquqidan mahrum qildi.

Jon Denis Berkampga nimadir tushuntirmoqchi bo‘lmoqda, ammo gollandiyalik futbolchining hech narsa bilan ishi yo‘q.

JCH 2002. Angliya Argentinani mag‘lubiyatga uchratdi. Beks esa, Diyegodan 4 yil avvalgi alamini oldi. Buni qaytar dunyo deydilar!

Fransiya terma jamoasi hujumchi chizig‘i 90 yillar oxirida mana shunday ko‘rinishda edi. Anelka boshqalardan kuchliroq ko‘ringani bilan, yakunda barcha musobaqada Trizege va Anri to‘p suradi.

18 yoshli Xavi Effenbgerg bilan to‘p uchun kurashga kirishmoqda. Bu duelda kim g‘olib chiqqanini darrov anglagan bo‘lsangiz kerak.

Paragvaylik hujumchi Xulio Gonsales Afinadagi olimpiadaning kumush medali egasi sanaladi. Qahramonimiz 2005 yilda avtohalokat sababli bir qo‘lidan ayrilgan edi. Shunga qaramay, Italiyaning «Vichense» jamoasi o‘z futbolchisi bilan shartnomasini bir yilga uzaytirishga qaror qildi. Shunchaki qoyil qolmaslikning imkoni yo‘q.

Kannavaroning «oltin to‘p»ni egallashi kimning hayoliga kelibdi deysiz?! Vaholanki, 2006 yilda bu sovringa undan kuchliroq da’vogarlar yetarlicha edi.