"Barselona" futbolchisi Jordi Alba La Liga navbatdagi turi doirasida "Kadis"ga qarshi bahsni o‘tkazib yuborishi kutilmoqda deb xabar beradi AS nashri.
Himoyachi jarohatidan haligacha to‘la forig‘ bo‘lgani yo‘q. U "Ferensvarosh"ga qarshi uchrashuvda paylarining shikastlanishi bilan bog‘liq muammoga duch kelgandi va birinchi bo‘lim oxirlarida zahiraga olinganidan xabaringiz bor. Jordi payshanba kungi umumjamoa mashg‘ulotlarida qatnasha olmadi va shanba kuni bo‘lib o‘tadigan o‘yinda maydonga tusha olmasligi mumkin. Kuman esa hozircha ushbu pozisiyaga Firpo variantini ko‘rib chiqmoqda.
Ma’lumot uchun, Alba joriy mavsum "ko‘k-anorranglilar" safida 12 ta o‘yinda maydonga tushib, 5 ta assistni amalga oshirgan.
