"Tottenhem" ustozi Joze Mourinyo klub hujumchisi Harri Keyn jarohati borasida ma’lumot berdi.
"Uning qachon safga qaytishi borasida aniq bir nima deya olmayman. Keyn hozir maksimal darajada muolaja qilinmoqda. Shuning uchun uni jiddiy holatda deb aytmagan bo‘lardim. Sizni u ertadan mashg‘ulotlarda qatnashadi deb ishontirmoqchi emasman. Lekin bosh shifokor bilan muntazam aloqada bo‘lib turibman. Uning aytishi bo‘yicha Harri yakshanbagacha tiklanadi", - deydi mutaxassis.
Eslatib o‘tamiz, angliyalik futbolchi avvalroq olgan jarohati bois "Lask"ka qarshi bahsni o‘tkazib yubordi va uning yakshanba kungi London derbisida maydonga tushishi ham so‘roq ostida turganligi aytilayotgan edi.
