"Тоттенҳем" устози Жозе Моуриньо клуб ҳужумчиси Ҳарри Кейн жароҳати борасида маълумот берди.
"Унинг қачон сафга қайтиши борасида аниқ бир нима дея олмайман. Кейн ҳозир максимал даражада муолажа қилинмоқда. Шунинг учун уни жиддий ҳолатда деб айтмаган бўлардим. Сизни у эртадан машғулотларда қатнашади деб ишонтирмоқчи эмасман. Лекин бош шифокор билан мунтазам алоқада бўлиб турибман. Унинг айтиши бўйича Ҳарри якшанбагача тикланади", - дейди мутахассис.
Эслатиб ўтамиз, англиялик футболчи аввалроқ олган жароҳати боис "Ласк"ка қарши баҳсни ўтказиб юборди ва унинг якшанба кунги Лондон дербисида майдонга тушиши ҳам сўроқ остида турганлиги айтилаётган эди.
