Shotlandiyaning "Reyndjers" klubi bosh murabbiyi Stiven Jerrard Yevropa Ligasi doirasida "Standard" (3:2) klubi ustidan qo‘lga kiritilgan g‘alaba haqidagi fikrlari bilan o‘rtoqlashdi.
- O‘tgan yilgiga qaraganda, bu yil yaxshi ishtirok etdik, bu juda yoqimli, ammo biz o‘z o‘yinlarimizni yaxshilashda davom etishimiz va guruhda birinchi o‘rinni qo‘lga kiritishimiz kerak. 90 daqiqa mobaynida biz haqli ravishda g‘alaba qozondik deb o‘yladim, lekin istalgan paytda natija o‘zgarib ketishi mumkin, shu sababli, qayd etilgan natijadan qoniqdik. Ikkinchi bo‘limda ko‘plab imkoniyatlarga ega bo‘ldik va o‘yin taqdirini so‘nggi daqiqalarga olib bormasdan hal qilib qo‘yishga yaqin edik, — Jerrardning so‘zlaridan iqtibos keltirmoqda UEFA rasmiy sayti.
