Шотландиянинг "Рейнджерс" клуби бош мураббийи Стивен Жеррард Европа Лигаси доирасида "Стандард" (3:2) клуби устидан қўлга киритилган ғалаба ҳақидаги фикрлари билан ўртоқлашди.

- Ўтган йилгига қараганда, бу йил яхши иштирок этдик, бу жуда ёқимли, аммо биз ўз ўйинларимизни яхшилашда давом этишимиз ва гуруҳда биринчи ўринни қўлга киритишимиз керак. 90 дақиқа мобайнида биз ҳақли равишда ғалаба қозондик деб ўйладим, лекин исталган пайтда натижа ўзгариб кетиши мумкин, шу сабабли, қайд этилган натижадан қониқдик. Иккинчи бўлимда кўплаб имкониятларга эга бўлдик ва ўйин тақдирини сўнгги дақиқаларга олиб бормасдан ҳал қилиб қўйишга яқин эдик, — Жеррарднинг сўзларидан иқтибос келтирмоқда УЕФА расмий сайти.