Xabaringiz bor, kuni kecha klubimiz tomonidan U-18 va U-21 jamoalari tarkibiga ko‘rikdan o‘tish uchun yosh futbolchilarga tanlov e’lon qilingan edi. Ayni damga qadar bizga o‘z ma’lumotlarini taqdim etgan yosh futbolchilar soni 400 nafardan ortib ketdi.

"Turon" futbol klubi avvalo jamoamizga bo‘layotgan e’tibor yuzasidan barchangizga minnatdorchilik bildiradi. Bizga bo‘layotgan murojaatlarni to‘liq tahlildan o‘tkazish va tanlov jarayonini shaffoflik bilan tashkil etish maqsadida hozirga qadar ma’lumotlar klubimiz mas’ul xodimlari tomonidan o‘rganib chiqilmoqda. Mazkur jarayon yakuniga yetgach tanlovda ishtirok etish uchun loyiq deb topilgan nomzodlar klubimizning ijtimoiy tarmoqlardagi rasmiy sahifalarida e’lon qilinadi. Ko‘rik-tanlov dekabr oining oxiriga qadar xududlar va viloyatlar kesimida tashkil etiladi. Uzoq viloyatlardan tanlovda ishtirok etish uchun keladigan qatnashchilarni yotoq joy bilan ta’minlash maqsadida har kuni 30-40 nafar yosh futbolchilar ishtirokida ko‘rik tashkil etiladi.

Klub ma’muriyati barchangizga e’tibor uchun minnatdorchilik bildirgan xolda e’londa ko‘rsatilgan +998994350414 aloqa raqamiga qo‘ng‘iroq qilmasligingizni, ma’lumotnoma (shaxsiy telefon raqam ko‘rsatilgan xolda)ni faqat telegram tarmog‘i orqali yuborishingizni so‘raydi.

Tanlovga oid barcha ma’lumotlar klubimizning ijtimoiy tarmoqlardagi rasmiy sahifalari orqali e’lon qilib boriladi.

"Turon" futbol klubi matbuot xizmati