Angliya chempionatining 11-turi doirasida Shimoliy London derbisi bo‘lib o‘tdi. "Tottenxem" o‘z uyida "Arsenal"ni qabul qilib, 2:0 hisobida g‘alaba qozondi.

Bahsning 13-daqiqasida "shporlar" qarshi hujum tashkil qilishdi. Son Xyong Min 24 metrlardan aniq zarba bilan hisobni ochdi. Unga golli uzatmani Xarri Keyn berdi.

Taym so‘ngida esa "Tottenxem" yana bir qarshi tashkil qildi. Bu safar koreyalik futbolchining uzatmasidan keyin Keyn jarima maydoniga kirdi va kuchli zarba berdi. To‘p to‘singa tegib, darvoza chizig‘ini kesib o‘tdi.

Ikkinchi bo‘limda to‘p nazorat va tashabbus Arteta shogirdlari tomonida bo‘ldi. Ammo mezbonlar ishonchli himoyalanib, g‘alabani ushlab qoldi.

"Tottenxem" ushbu g‘alabadan keyin o‘z ochkolarini 24taga yetkazib, yana peshqadamga aylandi. "Arsenal" esa 15-o‘ringa tushib ketdi.

APL, 11-tur
Tottenxem – Arsenal 2:0 (2:0)
Gollar: 1:0 – 13 Son Xyong Min, 2:0 – 45 Keyn.
Tottenxem – Lyoris, Alderveyreld, Regilon, OrYE, Dayer, Xeybyerg, Sissoko, Bergveyn (Rodon, 90), Lo Chelso (Devis, 72), Son Xyong Min (Lukas Moura, 88), Keyn.
Arsenal – Leno, Gabriel, Xolding, Tirni, Belyerin (Nketia, 75), Saka, Parti (Sebalyos, 45), Jaka, Villian, Obameyang, Lyakazett.
Ogohlantirishlar: Lo Chelso (41), Jaka (75), Lyakazett (80).