Англия чемпионатининг 11-тури доирасида Шимолий Лондон дербиси бўлиб ўтди. "Тоттенхэм" ўз уйида "Арсенал"ни қабул қилиб, 2:0 ҳисобида ғалаба қозонди.

Баҳснинг 13-дақиқасида "шпорлар" қарши ҳужум ташкил қилишди. Сон Хёнг Мин 24 метрлардан аниқ зарба билан ҳисобни очди. Унга голли узатмани Харри Кейн берди.

Тайм сўнгида эса "Тоттенхэм" яна бир қарши ташкил қилди. Бу сафар кореялик футболчининг узатмасидан кейин Кейн жарима майдонига кирди ва кучли зарба берди. Тўп тўсинга тегиб, дарвоза чизиғини кесиб ўтди.

Иккинчи бўлимда тўп назорат ва ташаббус Артета шогирдлари томонида бўлди. Аммо мезбонлар ишончли ҳимояланиб, ғалабани ушлаб қолди.

"Тоттенхэм" ушбу ғалабадан кейин ўз очколарини 24тага етказиб, яна пешқадамга айланди. "Арсенал" эса 15-ўринга тушиб кетди.

АПЛ, 11-тур
Тоттенхэм – Арсенал 2:0 (2:0)
Голлар: 1:0 – 13 Сон Хёнг Мин, 2:0 – 45 Кейн.
Тоттенхэм – Льорис, Алдервейрелд, Регилон, Орье, Дайер, Хейбьерг, Сиссоко, Бергвейн (Родон, 90), Ло Чельсо (Дэвис, 72), Сон Хёнг Мин (Лукас Моура, 88), Кейн.
Арсенал – Лено, Габриэл, Холдинг, Тирни, Бельерин (Нкетиа, 75), Сака, Парти (Себальос, 45), Жака, Виллиан, Обамеянг, Ляказетт.
Огоҳлантиришлар: Ло Чельсо (41), Жака (75), Ляказетт (80).