Ushbu ruknimizdagi eng so‘nggi yangiliklar bilan tanishtirishda davom etamiz.
«Nyukasl» ishga kirishdi
Angliyaning «Nyukasl» jamoasi qishda "Aberdin" hujumchisi Sem Kosrgou bilan shartnoma imzolashi mumkin.
«The Sun» nashrining ma’lum qilishicha, jamoa 24 yoshli futbolchi bilan jiddiy qiziqib qolgan va uning transferi uchun bir necha million yevro sarf etishga tayyor.
Eslatib o‘tamiz, bu mavsumda "Aberdin" futbolchisi Shotlandiya chempionatining 5 ta turida maydonga tushdi va o‘z hisobiga 1 ta gol yozdirib qo‘ydi.
«Fiorentina»ga Kaisedo kerak
Italiyaning «Fiorentina» jamoasi «Lasio» hujumchisi Filipe Kaisedoni o‘z safiga qo‘shib olmoqchi.
"Salciomercato" nashrining ma’lum qilishicha, »binafshalar" 32 yoshli hujumchi uchun 3 yillik shartnoma taklif qilmoqchi.
Manbaning ma’lum qilishicha, Rim klubi o‘z hujumchisini 5 million yevro evaziga qo‘yib yuborishga tayyor.
«Milan»ga himoyachi kerak
Milanning «Milan» jamoasi «Tottenhem» klubi markaziy himoyachisi Davinson Sanchesni o‘z safiga qo‘shib olmoqchi.
«The Sun» nashrining ma’lum qilishicha, Sanches qishda «rossonerilar»ning asosiy nishoniga aylanadi.
Manbaning ma’lum qilishicha, London klubi ham kolumbiyalik futbolchini qo‘yib yuborishga tayyor. Sababi, murabbiy uni asosiy tarkib futbolchisi deb hisoblamayapti.
Jiru nishonda
Yaqindagina YECHL uchrashuvida 4 ta gol kiritgan Olive Jiru Italiya grandlarining «oromini o‘g‘irlab» qo‘ydi.
Vaholanki, futbolchi «Chelsi»ning so‘nggi uchrashuvlarida asosiy tarkibda ko‘rinish bermoqda. Jiruning o‘zi esa, «Chelsi»dagi sarguzashtlari yakunlanayotgani haqida fikr bildirishdan charchamayapti.
«Tuttosport» nashrining ma’lum qilishicha, agar hujumchi Londonni tark etsa, uning uchun asosiy da’vogar «Yuventus» va «Inter» bo‘ladi.
Ikki klub ham amaldagi JCH g‘olibi uchun 1,5 yarim yillik shartnoma taklif etmoqda.
Lingard nishonda
Angliyaning «Manchester Yunayted» jamoasi yarim himoyachisi Jessi LIngard faoliyatini Shotlandiya grandlaridan birida davom ettirishga yaqin turibdi.
"Taem Talk" nashrining ma’lum qilishicha, 27 yoshli futbolchi uchun «Seltik» va «Glazgo» klublari ko‘z tikkan.
Eslatib o‘tamiz, futbolchi tezrоq jamoasini o‘zgartirish maqsadida o‘z agenti Mino Rayolani ishdan bo‘shatgan edi.
