Londonning "Chelsi" klubi bosh murabbiyi Frenk Lempard klub rahbariyati darvozabon Kepa Arrisabalagani sotib yuborish borasida bosim o‘tkazmayotganini aytib o‘tdi.
"Hech qanday bosim yo‘q. Biz o‘yinlarni yutishimiz kerakligi uchun bosim ostida bo‘lishimiz mumkin. G‘alaba qozonish uchun to‘g‘ri qarorlarni qabul qilishim kerak va ayni paytda Mendi asosiy tarkibga munosib ekanligini isbotlamoqda".
"O‘yinlarda g‘alaba qozonish uchun bosim bo‘lgani sababli, men eng yaxshi formadagi futbolchilarni tanlashim kerak - darvozabon, himoyachi, yarim himoyachi va hujumchi. Shu bilan birga biz Mendiga biroz dam berib, Kepani maydonga tushirishga qaror qildik. U bunga munosib", — dedi Lempard The Guardian bilan suhbatda.
