Лондоннинг "Челси" клуби бош мураббийи Фрэнк Лэмпард клуб раҳбарияти дарвозабон Кепа Аррисабалагани сотиб юбориш борасида босим ўтказмаётганини айтиб ўтди.
"Ҳеч қандай босим йўқ. Биз ўйинларни ютишимиз кераклиги учун босим остида бўлишимиз мумкин. Ғалаба қозониш учун тўғри қарорларни қабул қилишим керак ва айни пайтда Менди асосий таркибга муносиб эканлигини исботламоқда".
"Ўйинларда ғалаба қозониш учун босим бўлгани сабабли, мен энг яхши формадаги футболчиларни танлашим керак - дарвозабон, ҳимоячи, ярим ҳимоячи ва ҳужумчи. Шу билан бирга биз Мендига бироз дам бериб, Кепани майдонга туширишга қарор қилдик. У бунга муносиб", — деди Лэмпард The Guardian билан суҳбатда.
