Londonning «Arsenal» klubi sobiq futbolchisi Fredrik Yungberg ro‘yxatdan chiqarib yuborilgan Mesut O‘zil haqida fikr bildirdi.

«Uni har bir uchrashuvda maydonga tushirish kerak demayman. Lekin, jamoa to‘pga egalik qilayotganida va so‘nggi uzatmani amalga oshirish kerak paytida, bu ishni O‘zildan yaxshiroq amallaydigan futbolchilar ko‘p deb o‘ylamayman.

Biroq, ular shunday qarorga kelishdi. Bunga nima sabab bo‘lganini bilmayman, lekin u 25 nafar futbolchining ro‘yxatidan joy olmagan, shu sababli, «Arsenal» uning xizmatidan foydalana olmaydi», – dedi Yungberg.