Rimning «Lasio» klubi bosh murabbiyi Simone Indzagi YECHL doirasida «Bryugge» klubiga qarshi bo‘lib o‘tadigan o‘yin haqidagi fikrlari bilan o‘rtoqlashdi.
«Bryugge»ga qarshi o‘yin finalga o‘xshaydi. So‘nggi bir necha yil mobaynida biz bir qator muhim o‘yinlarda maydonga tushdik va yaxshi o‘yin namoyish etdik. Umid qilamanki, bugun ham shu ro‘y beradi. Bugungi bahs klubimizning tarixini o‘zgartirib yuborishimiz mumkin. So‘nggi 20 yilda biz biror martaba ham YECHLning 1/8 final bosqichiga yo‘l olmaganmiz.
Bunday raqibni mag‘lub etish uchun biz yetarlicha kuchga egamiz. O‘ylaymanki, biz barcha kutgandan ko‘ra kuchliroqmiz, ammo men har doim pley-offga chiqishga qodirligimizga ishonganman», - dedi Indzagi UEFA rasmiy saytiga.
