Fransiyaning «PSJ» klubi hujumchisi Moyze Kin jamoa tarkibida to‘laqonli ravishda qolishga tayyor ekanligini bildirdi, deya xabar tarqatmoqda Goal portali.
Ayni paytda 20 yoshli futbolchi Fransiya chempioni tarkibida ijara asosida to‘p surmoqda. U huquqiy jihatdan Angliyaning «Everton» klubiga tegishli sanaladi.
Kin yaqinda bergan intervyusida «PSJ»da uni hamma narsa qoniqtirayotganini aytib o‘tgandi. O‘z navbatida parijliklar ham futbolchini to‘laqonli ravishda sotib olishga tayyor ekanliklarini bildirishmoqda. Biroq, fransiyaliklarda ijara shartnomasiga ko‘ra, futbolchini keyinchalik sotib olish huquqi yo‘q.
