Франциянинг «ПСЖ» клуби ҳужумчиси Мойзе Кин жамоа таркибида тўлақонли равишда қолишга тайёр эканлигини билдирди, дея хабар тарқатмоқда Goal портали.
Айни пайтда 20 ёшли футболчи Франция чемпиони таркибида ижара асосида тўп сурмоқда. У ҳуқуқий жиҳатдан Англиянинг «Эвертон» клубига тегишли саналади.
Кин яқинда берган интервьюсида «ПСЖ»да уни ҳамма нарса қониқтираётганини айтиб ўтганди. Ўз навбатида парижликлар ҳам футболчини тўлақонли равишда сотиб олишга тайёр эканликларини билдиришмоқда. Бироқ, францияликларда ижара шартномасига кўра, футболчини кейинчалик сотиб олиш ҳуқуқи йўқ.
