Soca Cola O‘zbekiston kubogi chorak finalidan o‘rin olgan “Navbahor” – “Nasaf” klublari o‘rtasidagi uchrashuvdan oldin jamoamizning mahoratli hujumchisi Zabihillo O‘rinboyev bo‘lajak bahs borasidagi fikrlari bilan o‘rtoqlashdi.

"Albatta, “Nasaf” ham jiddiy raqib va bejizga yakunlangan mavsumda kumush medalni qo‘lga kiritmadi. Shu bois, bo‘lajak o‘yinga puxta tayyorgarlik ko‘rdik hamda uchrashuvga har tomonlama tayyormiz. Bo‘lajak o‘yinda maydonga g‘alaba ishtiyoqida tushamiz.

Albatta, barcha e’tiborimizni O‘zbekiston kubogini qo‘lga kiritishga qaratganmiz.

Xudo xohlasa, qarshiliklarni mag‘lubiyatga uchratib, ushbu maqsad sari yana bir qadam tashlaymiz va billur sovrinni qo‘lga kiritish niyatidamiz. Mazkur qarama-qarshilik faqatgina bir uchrashuvdan iborat bo‘lganligi bois, bo‘lajak o‘yinning keskin kurashlar ostida o‘tishi ehtimoli yuqori. Biz esa ushbu bahsda g‘alaba qozonish uchun maydonda bor kuchimiz bilan harakat qilib, barcha imkoniyatimizni ishga solamiz. Faqat muxlislar bizni har doimgidek, munosib tarzda qo‘llab-quvvatlashsa bo‘lgani", — dedi O‘rinboyev “Navbahor” matbuot xizmatiga bergan intervyusida.