Germaniyaning "Leypsig" sport direktori Markus Kreshe Chempionlar Ligasining 1/8 final bosqichiga qur’a tashlash natijalari haqida fikr bildirdi.
"Bu qur’ada biz o‘tmishda sezilarli yutuqlarga ega bo‘lgan katta klublarga qarshi o‘ynashimizni bilardik. Bu qur’a oson emas - Angliya chempioni va joriy mavsumda Premer-ligada juda yaxshi o‘ynamoqda. Ammo guruh bosqichidagi qur’a tashlash marosimidan so‘ng, "PSJ" va "Manchester Yunayted" klublari bilan bir guruhdan joy olganimizda, bizga hech kim ishonmagandi. Ammo biz baribir guruhdan chiqdik. "Liverpul"ni mag‘lub etish va chorak finalga chiqish uchun qo‘limizdan kelgan barcha ishni qilamiz", - dedi Kreshe UEFA rasmiy saytiga.
