Германиянинг "Лейпциг" спорт директори Маркус Креше Чемпионлар Лигасининг 1/8 финал босқичига қуръа ташлаш натижалари ҳақида фикр билдирди.
"Бу қуръада биз ўтмишда сезиларли ютуқларга эга бўлган катта клубларга қарши ўйнашимизни билардик. Бу қуръа осон эмас - Англия чемпиони ва жорий мавсумда Премер-лигада жуда яхши ўйнамоқда. Аммо гуруҳ босқичидаги қуръа ташлаш маросимидан сўнг, "ПСЖ" ва "Манчестер Юнайтед" клублари билан бир гуруҳдан жой олганимизда, бизга ҳеч ким ишонмаганди. Аммо биз барибир гуруҳдан чиқдик. "Ливерпул"ни мағлуб этиш ва чорак финалга чиқиш учун қўлимиздан келган барча ишни қиламиз", - деди Креше УЕФА расмий сайтига.
