Superligada 13-o‘rinni egallagan «Andijon» va Pro ligada 2-pog‘onani band etgan «Neftchi» jamoalari o‘rtasidagi o‘tish bahsi bo‘lib o‘tdi.

Bahsning 8-daqiqasida chap qanotdan yetkazilgan uzatmani Otabek Zokirov bosh bilan raqib darvozasini ishg‘ol qilib, farg‘onaliklarni hisobda olib chiqdi.

Birinchi bo‘limning yarmidan o‘tgan pallada andijonliklar 2 daqiqa ichida ikkita gol urib, hisobda oldinga o‘tib olishdi.

Ikkinchi taymda "Neftchi" vaziyatni o‘nglash uchun oldinga tashlandi, hujumga tashlandi, ammo "Andijon" yaxshi himoyalandi. Boz ustiga, o‘yinning asosiy vaqti tugaishiga 2 daqiqa qolganida mehmonlar uchinchi golni urib, bahs taqdirini hal etishdi.

Shu tariqa, "Andijon" Superligada qolish vazifani uddaladi va kelasi mavsumda yuqori divizionda ishtirok etishadi.

O‘tish o‘yini.
"Neftchi" - "Andijon" 1:3 (1:2)
Gollar: Otabek Zokirov, 8 (1:0), Doniyor Abdumannopov, 31 (1:1), Farhod Sohibjonov, 33 (1:2), Jamshid Xomidov, 88 (1:3)
"Neftchi": 21. Farrux Turdaliyev, 4. Mirjalol Ne’matov, 7. Mansurjon Saidov (S), 9. Otabek Zokirov, 10. Islomjon Toshpo‘latov, 18. Javohir Rasulov, 20. Dilyorbek Irmatov, 34. Rustamjon Abduxamidov, 38. Umar Adxamzoda, 44. Shodiyor Hojimatov, 94. Anvarjon Hojimirzayev.
Zaxira: 96. Shuhratillo Rahmonov, 3. Timur Sultonov, 5. Eldor Ergashev, 8. Islombek Karimov, 31. Pavel Smolyachenko, 70. Dostonbek Bobojonov, 93. Sirojiddin Allayev, 99. Ilhomjon Vahobov.
"Andijon": 16. Eldor Adhamov, 3. Azamat Isroilov, 4. Farhod Mirahmatov, 5. Xushnudbek Avilov, 6. Baxtiyorjon Qosimov, 8. Farhod Bekmurodov, 17. Abdullo Olimov (S), 22. Usmonali Ismonaliyev, 25. Qahramon Bahodirov, 28. Farhod Sohibjonov, 33. Doniyor Abdumannopov.
Zaxira: 13. Muhammadsolix Ubaydullayev, 11. Siroj Meliyev, 20. Asilbek Azizov, 26. Muhammadkarim Toirov, 27. Muhammad Yuldashev, 80. Shahboz Jumaboyev, 99. Jamshid Homidov.