Osiyo Futbol Konfederasiyasi rasmiy saytida kelasi yilgi xalqaro musobaqalarda ishtirok etish uchun lisenziya olgan klublar ro‘yxati e’lon qilindi.
Unga ko‘ra, OFK Chempionlar ligasi-2021da ishtirok etish uchun lisenziyaga ega bo‘lgan O‘zbekiston klublari 7 tani tashkil etadi: “Paxtakor”, “Lokomotiv”, “Bunyodkor”, “Navbahor Lochinlari”, “Metallurg”, AGMK, “So‘g‘diyona”.
Shuningdek, OFK kubogi-2021 musobaqasida ishtirok etish uchungina lisenziya ola bilgan O‘zbekiston klubi – “Nasaf”.
Nufuz jihatidan yuqorida turuvchi OCHL uchun lisenziya olgan klub agar musobaqaning saralash bosqichidan muvaffaqiyatli o‘ta olmasa, OFK kubogida ishtirok etish imkoniyatiga ega bo‘ladi.
Qayd etish joiz, OFK bayrog‘i ostidagi musobaqalarda qatnashish uchun klub sport mezonlari bo‘yicha sovrindor bo‘lishi va shu bilan bir qatorda lisenziyalash jarayonidan muvaffaqiyatli o‘tishi lozim sanaladi.
