«Liverpul» bosh murabbiyi Yurgen Klopp Angliya Premer-ligasining 13-tur uchrashuvida «Tottenxem» ustidan qozonilgan g‘alaba (2:1) haqida fikr bildirdi.

"Qarshi hujum qiroliga qarshi yaxshi o‘yin o‘tkazdik. Biz to‘pni mukammal ushlab turdik. Ha, «Tottenxem» gol urdi, ularda ikkita imkoniyat bo‘ldi, ammo bundan tashqari biz o‘yinni nazorat qildik. Haqli ravishda 3 ochkoni qo‘lga kiritdik, o‘yindan qoniqish hosil qoldim.

«Tottenxem»ning golida ofsayd bo‘lganiga ishonaman. Hakamlar ushbu daqiqani 20 marta kuzatdilar, ammo men ofsayd holatini ko‘rdim. Hech kimni ayblamoqchi emasman, «Tottenxem»ga qarshi himoyalanishning eng yaxshi usuli — bu to‘pni o‘zimizda ushlab turish. Bu juda yaxshi o‘yin bo‘ldi va g‘alaba qozonganimizdan juda xursandman.

Firminoning goli? Men uning gollari haqida gapirishni yaxshi ko‘raman, uning goli meni yettinchi osmonda uchirdi. U juda kamdan-kam hollarda gol urmaydi. U eng yaxshi futbolchi va u gol urmoqda. Men u uchun juda xursandman. Uning goli biz uchun juda muhim.

Mourinyo bilan suhbatga kelsak, u xotirjam edi. U xursand bo‘lmadi va menga eng yaxshi jamoa mag‘lub bo‘lganini aytdi, va men u hazillashyapti deb o‘yladim! Ammo bunday emas», — dedi Klopp.