Ijtimoiy tarmoqlar orqali bugun «Atalanta» futbolchisi Alexandro Gomesning «zebralar» safiga borib qo‘shilishi mumkinligi to‘g‘risida turli xil mish-mishlar tarqaldi.
Ushbu holatga Gomesning uchrashuv boshlanishidan oldin mezbon klub madhiyasini beixtiyor kuylab yuborgani sabab bo‘ldi. Bunga «Yuventus» sport direktori izoh berdi:
«Gomesning talantiga shubha qilmayman. Biroq u hozir "Atalanta" o‘yinchisi va biz u bilan hech qanday muzokaralar olib bormaganmiz», - deydi Fabio Paratichi.
Eslatib o‘tamiz, «Atalanta»ning yana bir o‘yinchisi Luis Muriyel o‘z jamoadoshi haqida yuqoridagi hazilni keltirgan edi. Uuchrashuv 1:1 hisobidagi durang bilan o‘z nihoyasiga yetgan.
