Ижтимоий тармоқлар орқали бугун «Аталанта» футболчиси Алехандро Гомеснинг «зебралар» сафига бориб қўшилиши мумкинлиги тўғрисида турли хил миш-мишлар тарқалди.
Ушбу ҳолатга Гомеснинг учрашув бошланишидан олдин мезбон клуб мадҳиясини беихтиёр куйлаб юборгани сабаб бўлди. Бунга «Ювентус» спорт директори изоҳ берди:
«Гомеснинг талантига шубҳа қилмайман. Бироқ у ҳозир "Аталанта" ўйинчиси ва биз у билан ҳеч қандай музокаралар олиб бормаганмиз», - дейди Фабио Паратичи.
Эслатиб ўтамиз, «Аталанта»нинг яна бир ўйинчиси Луис Муриел ўз жамоадоши ҳақида юқоридаги ҳазилни келтирган эди. Уучрашув 1:1 ҳисобидаги дуранг билан ўз ниҳоясига етган.
