«Челси»нинг чап қанот ҳимоячиси Марк Кукурелья клубдаги мураккаб давр фонида жамоани тарк этиши мумкин. Футболчи «Барселона»га қайтиш имкониятига ижобий қарамоқда. Бу ҳақда Mundo Deportivo журналисти Ферран Мартинес хабар бермоқда.

Манба берган маълумотларга кўра, ҳозирги вақтда 27 ёшли футболчининг вакиллари «кўк-анорранглилар» спорт директори Деку билан алоқага чиқишмаган. Таъкидланишича, Кукурельянинг трансфери учун тахминан 50 миллион евро миқдорида нарх белгиланган. Эҳтимол, «Челси» футболчисининг сотиб олиниши «Барселона» ўз асосий ҳимоячиларидан бирини сотишига боғлиқ бўлади.

Кукурелья 2012 йилдан 2020 йилгача «Барселона» тизимида бўлган. Футболчининг Лондон клуби билан амалдаги шартномаси 2028 йилнинг ёзига қадар мўлжалланган.