Ushbu ruknimizdagi eng so‘nggi yangiliklar bilan tanishtirishda davom etamiz.
«Liverpul»ga Ibanyes kerak
Angliyaning «Liverpul» jamoasi «Roma» himoyachisi Rojer Ibanes bilan shartnoma imzolamoqchi.
«Atalanta» futbolchisi ayni damda ijara asosida Rimda to‘p tepmoqda. 22 yoshli futbolchini Bergamoliklar 35 million yevro evaziga qo‘yib yuborishga tayyor ekanligini rasman e’lon qildi.
Italiya nashrlarining ma’lum qilishicha, futbolchi bilan shuningdek, «Yuventus» va «Napoli» klublari ham qiziqib qolgan.
«Atletiko» Triperni sotadimi?
Madridning «Atletiko» jamoasi qanot himoyachisi Kiran Triperni transferga qo‘ymoqchi emas.
Bundan bir necha kun avval, Angliyaning «Manchester Yunayted» jamoasi futbolchi bilan shartnoma imzolamoqchi ekanligida xabarlar tarqalgan edi.
Goal nashrining ma’lum qilishicha, «matraschilar» ingliz futbolchisining o‘yinlaridan to‘liq qanoatlanmoqda va uni hech qayerga qo‘yib yubormoqchi emas.
«Yuventus» ishga kirishdi
Turinning «Yuventus» jamoasi Pol Pogba borasida ishga kirishdi. Uning transferini amalga oshirish maqsadida klub rahbarlari Mino Rayola bilan aloqaga chiqqan.
Bu haqida Sky Sport nashri ma’lum qilmoqda. Manbaning ma’lum qilishicha, «Yuventus» futbolchining shaxsan o‘zi ortga qaytishni istashi bilan qiziqmoqda.
Eslatib o‘tamiz, yarim himoyachi 2012 yildan 2016 yilga qadar «Zebralar» sharafini himoya qilgan.
«Roma»ga himoyachi kerak
Rimning «Roma» klubi «Seltik» markaziy himoyachisi Jeremi Frimpong bilan shartnoma imzolamoqchi.
Avvalroq Rim klubi rahbarlari 20 yoshli futbolchi bilan aloqaga chiqqan, biroq Shotlandiya klubi 15 million yevro evaziga ham o‘z futbolchisini qo‘yib yubormagan edi.
Endilikda, uning transfer huquqi uchun «Roma» 18 million yevro taklif qilmoqda. Eslatib o‘tamiz, avvalroq «bo‘rilar»ning «Zenit» futbolchisi Sebstan Druissi bilan qiziqib qolgani haqida xabarlar paydo bo‘lgan edi.
Mbappe nima bo‘lsa «Real»ga o‘tadi?
PSJ futbolist Killian Mbappe agar Yevropa Chempionlar ligasida jamoa «Barselona»ga mag‘lub bo‘lsa, faoliyatini «Real»da davom ettirmoqchi.
Bu haqida AS nashri ma’lumot bermoqda. Manbada yozilishicha, agar Parij klubi Kataloniya klubi to‘sig‘idan o‘ta olmasa, futbolchi jamoasi bilan shartnomani uzaytirmaydi.
Eslatib o‘tamiz, ayni damda Fransiyalik futbolchi uchun kurashda asosiy da’vogar sifatida «Real» va «Liverpul» bir qadam oldinga chiqib olgan.
