“Navbahor”ning Coca Cola Superliga – 2020 dagi statistik ma’lumotlari bilan tanishtirishda davom etamiz.

Bu safar “lochinlar”ning yakunlangan mavsumda qaysi jamoadan necha ochko olganligi borasidagi ma’lumotlarga to‘xtalamiz.

Namanganliklar Coca Cola Superliga – 2020 da faqatgina bir jamoa, ya’ni Muborakning “Mash’al”idan ochko olisholmadi, xolos.

Ammo shuni ham ta’kidlash joizki, muborakliklar bilan Namanganda bo‘lib o‘tishi lozim bo‘lgan 11-tur bahsi markazlashgan holda o‘tkaziladigan tur doirasidan o‘rin olganligi bois, Toshkentdagi “Jar” stadionida bo‘lib o‘tgan va unda “Navbahor” nominal mezbon sifatida maydonga tushgandi.

Aytish lozimki, “lochinlar” yakunlangan mavsumda dastlabki uch o‘rinni egallagan sovrindor jamoalar – “Paxtakor”, “Nasaf” hamda AGMK klublaridan ham ochko olishga muvaffaq bo‘lishgan.

Qarshiliklar va olmaliqlardan esa namanganliklar mag‘lubiyatga uchrashmagan.

Umuman olganda, yakunlangan mavsumda Superliganing 7 ta jamoasi “Navbahor”ni yenga olmadi.

Yana shuni ham ta’kidlash joizki, “lochinlar” Superliga-2020 da “Qizilqum” ustidan ikkita o‘yinda ham g‘alaba qozonishgan.

Quyida “Navbahor”ning qaysi jamoadan necha ochko olganligi statiskasi bilan tanishasiz.

“Qizilqum” – 6 ochko

“Buxoro” – 4 ochko

“Metallurg” – 4 ochko

“Surxon” – 4 ochko

“Lokomotiv” – 3 ochko

“So‘g‘diyona” – 3 ochko

“Bunyodkor” – 3 ochko

“Andijon” – 2 ochko

“Nasaf” – 2 ochko

AGMK – 2 ochko

“Paxtakor” – 1 ochko

“Qo‘qon - 1912” – 1 ochko.

“Navbahor” PFK matbuot xizmati.