“Навбаҳор”нинг Coca Cola Суперлига – 2020 даги статистик маълумотлари билан таништиришда давом этамиз.

Бу сафар “лочинлар”нинг якунланган мавсумда қайси жамоадан неча очко олганлиги борасидаги маълумотларга тўхталамиз.

Наманганликлар Coca Cola Суперлига – 2020 да фақатгина бир жамоа, яъни Муборакнинг “Машъал”идан очко олишолмади, холос.

Аммо шуни ҳам таъкидлаш жоизки, муборакликлар билан Наманганда бўлиб ўтиши лозим бўлган 11-тур баҳси марказлашган ҳолда ўтказиладиган тур доирасидан ўрин олганлиги боис, Тошкентдаги “Жар” стадионида бўлиб ўтган ва унда “Навбаҳор” номинал мезбон сифатида майдонга тушганди.

Айтиш лозимки, “лочинлар” якунланган мавсумда дастлабки уч ўринни эгаллаган совриндор жамоалар – “Пахтакор”, “Насаф” ҳамда АГМК клубларидан ҳам очко олишга муваффақ бўлишган.

Қаршиликлар ва олмалиқлардан эса наманганликлар мағлубиятга учрашмаган.

Умуман олганда, якунланган мавсумда Суперлиганинг 7 та жамоаси “Навбаҳор”ни енга олмади.

Яна шуни ҳам таъкидлаш жоизки, “лочинлар” Суперлига-2020 да “Қизилқум” устидан иккита ўйинда ҳам ғалаба қозонишган.

Қуйида “Навбаҳор”нинг қайси жамоадан неча очко олганлиги статискаси билан танишасиз.

“Қизилқум” – 6 очко

“Бухоро” – 4 очко

“Металлург” – 4 очко

“Сурхон” – 4 очко

“Локомотив” – 3 очко

“Сўғдиёна” – 3 очко

“Бунёдкор” – 3 очко

“Андижон” – 2 очко

“Насаф” – 2 очко

АГМК – 2 очко

“Пахтакор” – 1 очко

“Қўқон - 1912” – 1 очко.

“Навбаҳор” ПФК матбуот хизмати.