Italiya terma jamoasi sobiq futbolchilari - Kristian Vyeri, Alessandro Del Pyero va Daniele De Rossilar UYEFAning murabbiylik lisenziyasi uchun onlayn formatda o‘qishmoqda, deya xabar bermoqda La Gazzetta Dello Sport.
UYEFA ushbu o‘quv kurslarni "katta tajribaga ega bo‘lgan sobiq professional futbolchilar uchun" tashkil qildi va bu kurslarda jami bo‘lib 210 soat dars o‘tiladi.
Kurs yakunlanganidan so‘ng, o‘quvchilar UYEFA lisenziyasi imtihonini topshirishadi va har qanday yoshlar jamoasini hamda Italiya S Seriya klublarini boshqari imkoniyatiga ega bo‘ladilar. Bundan tashqari, ular A va V seriya klublari bosh murabbiylarining yordamchilari bo‘lib ishlash huquqini qo‘lga kiritishadi.
