Италия терма жамоаси собиқ футболчилари - Кристиан Вьери, Алессандро Дель Пьеро ва Даниэле Де Россилар УЕФАнинг мураббийлик лицензияси учун онлайн форматда ўқишмоқда, дея хабар бермоқда La Gazzetta Dello Sport.

УЕФА ушбу ўқув курсларни "катта тажрибага эга бўлган собиқ профессионал футболчилар учун" ташкил қилди ва бу курсларда жами бўлиб 210 соат дарс ўтилади.

Курс якунланганидан сўнг, ўқувчилар УЕФА лицензияси имтиҳонини топширишади ва ҳар қандай ёшлар жамоасини ҳамда Италия С Серия клубларини бошқари имкониятига эга бўладилар. Бундан ташқари, улар А ва В серия клублари бош мураббийларининг ёрдамчилари бўлиб ишлаш ҳуқуқини қўлга киритишади.