So‘nggi kunlarda men eshitgan rasmiy-norasmiy xabarlar reytingi:

1. Shota Arveladze "Paxtakor" bilan xayrlashdi. Biroq, hali bu qaror  yakuniy emas ekan.

2. "Bunyodkor" va O‘zbekiston MJ himoyachisi Ibrohimxalil Yo‘ldoshevga Ukrainaning qator klublari qiziqmoqda. Uning agenti aytdiki, qiziqish bildirgan klublar kuchli o‘nlikdan. O‘zi Ukraina Premyer ligasida 14 jamoa qatnashadi. Kuchli o‘nlik desa kulgili chiqarkan. O‘nlikdagi jamoalar:

Dinamo Kiyev
Shaxtyor
Desna
Zarya
Vorskla
Kolos
Olimpik
Aleksandriya
Mariupol
Ingules

3.  Jaloliddin Masharipov Saudiya Arabistonining "An-Nasr" klubiga o‘tishi ehtimoli yuqori, agar muzokaralar ijobiy yakunlansa.

4. Igor Sergeev "Paxtakor" bilan yangi shartnoma shartlari borasida muzokara o‘tkazyapti. Tomonlar kelisha olishmasa, u ham legionerga aylanish ehtimoli yo‘q emas.

5. Eren Derdiyok ayni paytda O‘zbekistonda emas. U dam olish uchun oilasi bilan ketgan. Futbolchining "Paxtakor" bilan yana 1 yillik shartnomasi bor, biroq ta’tildan qaytmasa, hayron bo‘lmaymiz.

6. Yangi tuzilayotgan "Olimpiya" jamoasi Proligada qatnashishidan xabardorsiz.

7. "Orol" va "Xorazm" jamoalari borasida ham yangiliklar bo‘lib qolishi kutilmoqda.

8. "Paxtakor"da yordamchi murabbiylar bo‘lib ishlagan Laslo Yambor va Piter Xyuistra jamoada qolishi kutilmoqda.

9.  Kelgusi mavsumdan Osiyo Chempionlar Ligasiga O‘zbekistonga 1+1 o‘rni berilgan. OFK kubogida esa 1 jamoamiz o‘ynaydi. Demak, "Paxtakor" OCHL guruh bosqichidan, OKMK kvalifikasiya raundidan boshlab qatnashadi. "Nasaf" esa OFK kubogida o‘ynaydi. OFK tasarrufidagi ushbu turnirlarni 2021 yil aprel oyidan avval boshlamasligini ma’lum qilgan.

10. "Neftchi" futbolchilari Jamshid To‘raqulov va Doston Toshmatov ishi bo‘yicha tez orada yangiliklar bo‘lib qolsa ajab emas. Tergov jarayoni tezlashgan va yaxshilikka umid bor. Klub rahbari Zohidjon G‘ofurov, sobiq bosh murabbiy Asad Do‘rmonov va boshqa mas’ullar futbolchilarga ko‘mak ko‘rsatish va ularning maoshlarini oilalariga yetkazish uchun kamarbasta.

Bobur Akmalov