Ushbu ruknimizdagi eng so‘nggi yangiliklar bilan tanishtirishda davom etamiz.
Ryudiger trendda!
Londonning "Chelsi" jamoasi markaziy himoyachisi Antonio Ryudiger faoliyatini boshqa jamoada davom ettirishi mumkin.
"The Sun" nashrining ma’lum qilishicha, futbolchining agenti bilan bugungi kunda 4 klub aloqaga chiqqan.
Manbaning ma’lum qilishicha, ular orasida "Borussiya Dortmund", "Yuventus", "RB Leypsig" va "Milan" klublari mavjud.
Depay kimlarga kerak?
Fransiyaning "Lion" jamoasi vingeri Memfis Depay faoliyatini boshqa klubda davom ettirishi mumkin.
"Le10sport" nashrining ma’lum qilishicha, gollandiyalik futbolchi bilan uchta klub qiziqib qolgan.
Manbaning ma’lum qilishicha, ular orasida "Milan", PSJ va "Barselona" klublari mavjud. Eslatib o‘tamiz, futbolchi "Lion" bilan o‘rtadagi shartnomani uzaytirmoqchi emas. Shu bois, klub uning transferidan katta pul ishlay olmaydi.
"Yuventus"ga hujumchi kerak
Turinning "Yuventus" jamoasi Braziliyaning "San - Paulo" klubi hujumchisi Brennerni o‘z tarkibida ko‘rishni istamoqda.
"Goal" nashrining ma’lum qilishicha, 20 yoshli futbolchi uchun kurashda Turin klubi yaqqol yetakchilik qilmoqda.
Eslatib o‘tamiz, Brennerni transfermarkt 1,3 million yevroga baholamoqda. "Yuventus" esa,hujumchi uchun 3 million yevro saflashga tayyor.
"Arsenal"ga nemis kerak!
Dortmundning "Borussiya" jamoasi yarim himoyachisi Yulian Brand faoliyatini Londonning "Arsenal" jamoasida davom ettirishi mumkin.
"The athletic" nashri bergan xabarlarga qaraganda, 24 yoshli futbolchining transferi orqali klub hujumdagi muammolarni berkitmoqchi.
manbaning ma’lum qilishicha, klub ushbu futbolchining transferi uchun 35-40 million yevro sarf etishga tayyor.
Eslatib o‘tamiz, avvalroq ingliz nashrlari klub Kristian Erikson bilan ham muzokaralar o‘tkazayotgani haqida xabar tarqatgan edi.
Ruiz ketadimi?
Italiyaning "Napoli" klubi yarim himoyachisi Fabian Ruiz faoliyatini Ispaniyada davom ettirishi mumkin.
"Mundo Deportivo"ning ma’lum qilishicha, futbolchi bilan "Atletiko Madrid" jamoasi jiddiy qiziqib qolgan.
Manbaning ma’lum qilishicha, "Napoli" moliyaviy muammolar sababli 2023-yilga qadar shartnomasi bor futbolchini sotuvga qo‘yishga majbur bo‘lmoqda.
