Ушбу рукнимиздаги энг сўнгги янгиликлар билан таништиришда давом этамиз.
Рюдигер трендда!
Лондоннинг "Челси" жамоаси марказий ҳимоячиси Aнтонио Рюдигер фаолиятини бошқа жамоада давом эттириши мумкин.
"The Sun" нашрининг маълум қилишича, футболчининг агенти билан бугунги кунда 4 клуб алоқага чиққан.
Манбанинг маълум қилишича, улар орасида "Боруссия Дортмунд", "Ювентус", "РБ Лейпсиг" ва "Милан" клублари мавжуд.
Депай кимларга керак?
Франсиянинг "Лион" жамоаси вингери Мемфис Депай фаолиятини бошқа клубда давом эттириши мумкин.
"Le10sport" нашрининг маълум қилишича, голландиялик футболчи билан учта клуб қизиқиб қолган.
Манбанинг маълум қилишича, улар орасида "Милан", ПСЖ ва "Барселона" клублари мавжуд. Эслатиб ўтамиз, футболчи "Лион" билан ўртадаги шартномани узайтирмоқчи эмас. Шу боис, клуб унинг трансферидан катта пул ишлай олмайди.
"Ювентус"га ҳужумчи керак
Туриннинг "Ювентус" жамоаси Бразилиянинг "Сан - Пауло" клуби ҳужумчиси Бреннерни ўз таркибида кўришни истамоқда.
"Goal" нашрининг маълум қилишича, 20 ёшли футболчи учун курашда Турин клуби яққол етакчилик қилмоқда.
Эслатиб ўтамиз, Бреннерни трансфермаркт 1,3 миллион еврога баҳоламоқда. "Ювентус" эса,ҳужумчи учун 3 миллион евро сафлашга тайёр.
"Aрсенал"га немис керак!
Дортмунднинг "Боруссия" жамоаси ярим ҳимоячиси Юлиан Бранд фаолиятини Лондоннинг "Aрсенал" жамоасида давом эттириши мумкин.
"The athletic" нашри берган хабарларга қараганда, 24 ёшли футболчининг трансфери орқали клуб ҳужумдаги муаммоларни беркитмоқчи.
манбанинг маълум қилишича, клуб ушбу футболчининг трансфери учун 35-40 миллион евро сарф этишга тайёр.
Эслатиб ўтамиз, аввалроқ инглиз нашрлари клуб Кристиан Эриксон билан ҳам музокаралар ўтказаётгани ҳақида хабар тарқатган эди.
Руиз кетадими?
Италиянинг "Наполи" клуби ярим ҳимоячиси Фабиан Руиз фаолиятини Испанияда давом эттириши мумкин.
"Mundo Deportivo"нинг маълум қилишича, футболчи билан "Aтлетико Мадрид" жамоаси жиддий қизиқиб қолган.
Манбанинг маълум қилишича, "Наполи" молиявий муаммолар сабабли 2023-йилга қадар шартномаси бор футболчини сотувга қўйишга мажбур бўлмоқда.
