Ushbu ruknimizdagi eng so‘nggi yangiliklar bilan tanishtirishda davom etamiz.
Alonso ketadi
Londonning «Chelsi» jamoasi qanot himoyachisi Markos Alonso faoliyatini boshqa jamoada davom ettirishi aniq bo‘lib ulgurdi.
«Daily Mail» nashrining ma’lum qilishicha, «aristokratlar» ispaniyalik futbolchini qishda transferga qo‘yadi.
Manbaning ma’lum qilishicha, Frenk Lempardga keraksiz bo‘lgan futbolchi bilan «Atletiko Madrid» jamoasi jiddiy qiziqib qolgan.
Xedira Angliyada
Turinning «Yuventus» jamoasi yarim himoyachisi Sami Xediraning keyingi jamoasi Angliya klublaridan biri bo‘lishi mumkin.
LGDS nashrining ma’lum qilishicha, Xedira jamoadan o‘zini qo‘yib yuborishlarini iltimos qilgan. Futbolchi, yanvar oyida «Everton» jamoasi bazasiga tashrif buyurmoqchi.
Eslatib o‘tamiz, futbolchining «Yuventus» bilan tuzgan shartnomasi 2021 yilda o‘z yakuniga yetadi.
Kosta APLda?!
Madridning «Atletiko» jamoasi bilan xayrlashgan Diyego Kosta APLga qaytishi mumkin.
«The Times» nashrining ma’lum qilishicha, «Vulverhempton» jamoasi ispaniyalik futbolchini o‘z safiga qo‘shib olmoqchi.
Eslatib o‘tamiz, hujumchi ayni damda erkin agent maqomida.
Veynaldum ketadimi?
Angliyaning «Liverpul» jamoasi yarim himoyachisi Jorjino Veynaldum faoliyatini «Barselona»da davom ettirishi mumkin.
«Liverpool Elcho» nashrining ma’lum qilishicha, futbolchi ingliz klubidan o‘z maoshini ikki barobar oshirishini iltimos qilmoqda.
Manbaning ma’lum qilishicha, agar maosh oshirilmasa, Veynaldum mavsum so‘nggida «Barselona» bilan shartnoma imzolamoqchi.
Jiru Madridda!
Londonning «Chelsi» jamoasi hujumchisi Olive Jiru «Atletiko Madrid» futbolchisiga aylanishi mumkin.
«Mundo Deportivo» nashrining ma’lum qilishicha, Diyego Kostaning o‘rnini jamoa Fransiyalikfutbolchi bilan to‘ldirmoqchi.
Eslatib o‘tamiz, «Chelsi» hujumchisi bu mavsumda 15 ta o‘yinda ishtirok etdi va 9 ta gol kiritdi.
