Ушбу рукнимиздаги энг сўнгги янгиликлар билан таништиришда давом этамиз.
Алонсо кетади
Лондоннинг «Челси» жамоаси қанот ҳимоячиси Маркос Алонсо фаолиятини бошқа жамоада давом эттириши аниқ бўлиб улгурди.
«Daily Mail» нашрининг маълум қилишича, «аристократлар» испаниялик футболчини қишда трансферга қўяди.
Манбанинг маълум қилишича, Френк Лемпардга кераксиз бўлган футболчи билан «Атлетико Мадрид» жамоаси жиддий қизиқиб қолган.
Хедира Англияда
Туриннинг «Ювентус» жамоаси ярим ҳимоячиси Сами Хедиранинг кейинги жамоаси Англия клубларидан бири бўлиши мумкин.
LGDS нашрининг маълум қилишича, Хедира жамоадан ўзини қўйиб юборишларини илтимос қилган. Футболчи, январь ойида «Эвертон» жамоаси базасига ташриф буюрмоқчи.
Эслатиб ўтамиз, футболчининг «Ювентус» билан тузган шартномаси 2021 йилда ўз якунига етади.
Коста АПЛда?!
Мадриднинг «Атлетико» жамоаси билан хайрлашган Диего Коста АПЛга қайтиши мумкин.
«The Times» нашрининг маълум қилишича, «Вулверҳемптон» жамоаси испаниялик футболчини ўз сафига қўшиб олмоқчи.
Эслатиб ўтамиз, ҳужумчи айни дамда эркин агент мақомида.
Вейналдум кетадими?
Англиянинг «Ливерпул» жамоаси ярим ҳимоячиси Жоржино Вейналдум фаолиятини «Барселона»да давом эттириши мумкин.
«Liverpool Elcho» нашрининг маълум қилишича, футболчи инглиз клубидан ўз маошини икки баробар оширишини илтимос қилмоқда.
Манбанинг маълум қилишича, агар маош оширилмаса, Вейналдум мавсум сўнггида «Барселона» билан шартнома имзоламоқчи.
Жиру Мадридда!
Лондоннинг «Челси» жамоаси ҳужумчиси Оливе Жиру «Атлетико Мадрид» футболчисига айланиши мумкин.
«Mundo Deportivo» нашрининг маълум қилишича, Диего Костанинг ўрнини жамоа Францияликфутболчи билан тўлдирмоқчи.
Эслатиб ўтамиз, «Челси» ҳужумчиси бу мавсумда 15 та ўйинда иштирок этди ва 9 та гол киритди.
