Ispaniya La Ligasining 16-turida "Real" safarda "Elche" klubi bilan bellashdi.
Uchrashuvning 20-daqiqasida Luka Modrich boshi bilan mezbonlar darvozasini ishg‘ol etib, "Real"ni hisobda oldinga olib chiqdi.
52-daqiqada esa bosh hakam Karvaxal o‘z jarima maydonchasi ichida raqib futbolchisini ushlab qoldi deb topdi va 11 metrli jarima to‘pi belgiladi. Belgilangan penaltini esa Fidel bexato amalga oshirdi.
O‘yinning so‘nggi daqiqalarigacha hujum uyushtirgan madridliklar gol kiritishni uddasidan chiqa olishmadi.
Hakam tomonidan qo‘shib berilgan daqiqalarda "Real" darvozasiga jarima to‘pi belgilandi. "Elche" futbolchisining jarimadan yo‘llagan zarbasini Kurtua amallab qaytarib yubordi va "Real"ni muqarrar goldan qutqarib qoldi.
"Elche" – "Real" 1:1
31.12.2020 yil, 01.30, «Martines Valero» stadioni
Gollar: 0:1 – 20 Modrich, 1:1 – 52 Fidel (penalti).
"Elche" – Badiya, Barragan, Xosema, Verdu, Sanches Minyo, Markone, Rodriges (Morente, 74), Fidel, Guti, Rigoni (Xosan, 74), Boye.
"Real" – Kurtua, Ramos, Karvaxal, Marselo, Varan, Kroos (Valverde, 78), Modrich, Vaskes (Azar, 77), Kazemiro, Asensio, Benzema.
Ogohlantirishlar: Ramos (21), Kazemiro (60), Karvaxal (66), Kroos (71), Verdu (73)
