Londonning "Tottenxem" klubi bosh murabbiyi Joze Mourinyoning fikricha, uning jamoasini o‘yini pasayishiga "Liverpul" aybdor.
"Shporlar"ning muvaffaqiyatsiz seriyasi 16 dekabr kuni "Liverpul" klubidan 1:2 hisobida qabul qilib olgan mag‘lubiyatidan so‘ng boshlandi. Mourinyo o‘z jamoasini biroz "yiqilgandek" his qilmoqda. Chunki, o‘sha o‘yinda Roberto Firmino o‘yinning so‘nggi daqiqasida "Liverpul"ga g‘alaba olib kelgandi.
"Biz uchun muvaffaqiyat seriya boshlanishiga "Liverpul"dan uchralgan mag‘lubiyat sabab bo‘ldi. O‘sha o‘yinda biz g‘alabaga juda yaqin kelgandik va mag‘lubiyatga umuman yaqin emasdik. Bunday natijadan so‘ng, o‘yinimiz saviyasi pastlab ketdi.
"Futbolda psixologiya muhim ahamiyatga ega. Har bir detalni nazorat qilib bo‘lmaydi. Ammo bizda yana yaxshi davrlar bo‘ladi. Biz yana gollar kiritishni va g‘alabalar qozonishni boshlaymiz", — dedi Mourinyo Liverpool Echo bilan suhbatda.
