"Arsenal" bosh murabbiyi Mikel Arteta jamoa yarim himoyachisi Mesut O‘zilning kelajagi borasida o‘z fikrini bildirib o‘tdi.

"O‘yinchilarning shartnomalarini hurmat qilish kerak. Men faqat ular bilan ochiq munosabatda bo‘lishim, ularga o‘z maqsadlarim, ularning jamoadagi roli haqida aytishim, shuningdek, nima uchun bunday ekani haqida izoh berishim mumkin. Ular o‘z shaxsiy qarorlarini qabul qilish huquqiga ega. Chunki ularning shartnomalari mavjud.

Ba’zilari o‘ynamayotgani uchun ketishni istaydi, ba’zilari qolishni afzal biladi. Buni yakka o‘zimiz hal qila olmaymiz.

O‘zil jamoaga qaytariladimi? Transfer oynasidagi harakatlarimizdan kelib chiqib ko‘ramiz. Oy yakunida yakuniy qarorni qabul qilamiz", — dedi Arteta.

Eslatib o‘tamiz, O‘zil joriy mavsumda "Arsenal" safida birorta o‘yinda ishtirok etmadi. Ammo u Mesut jamoa safidagi eng ko‘p maosh oladigan o‘yinchi hisoblanadi (18 mln funt). Uning "kanonirlar" bilan shartnomasi joriy mavsum so‘ngida yakunlanadi.