"Manchester Yunayted" klubi sobiq hujumchisi Maykl Ouen mankunianliklarning hozirgi holatiga baho berdi.

"Manchester Yunayted" hattoki Brunu Fernandesh bilan ham sovrinni qo‘lga kiritishiga ko‘zim yetmaydi. Sulsher shogirdlari qarshi hujumda zo‘r o‘ynashmoqda, ular kuchli raqiblarga qarshi bahslarda yaxshi harakat qilishmoqda va har qanday jamoaga muammo yaratishlari mumkin.

Ammo "Vulverxempton" kabi klublar bilan o‘yinlarda raqib mudofaasini yorib o‘tishga qiynalishmoqda. Ularning "bo‘rilar"ga qarshi o‘yinini tomosha qildim. "MYU" ko‘p vaziyat yarata olmadi.

Shubhasiz, "MYU" chempionlik kurashiga qo‘shildi. Jamoa urilgan va o‘tkazib yuborilgan gollar farqi bo‘yicha APLda ikkinchi natijaga ega. Ammo ularni "Liverpul" va !Manchester Siti" bilan bir safga qo‘yish mumkinmi? Nazarimda, "Yunayted" hali bu klublardan bir qadam orqada. Shu bois, ular joriy mavsumda APL g‘olibligini qo‘lga kirita olishmasa kerak. Lekin "MYU"ning so‘nggi o‘yinlaridan kelib chiqib, hamma narsa ro‘y berishi mumkin", – dedi Ouen.