"Milan" klubi A Seriyaning 15-tur doirasida "Benevento" klubi maydoniga safar uyushtirdi.
Uchrashuvning 15-daqiqasida Kessie belgilangan penaltini aniq amalga oshirib hisobni ochgan bo‘lsa, 49-daqiqada Rafael Leau o‘z hisobiga bitta gol yozdirib qo‘ydi.
Eng qizig‘i shundaki, "Milan" 33-daqiqadan so‘ng, maydonda 10 kishi bo‘lib harakat qildi.
Shu tariqa, "Milan" safardagi muhim g‘alabani qo‘lga kiritib, mag‘lubiyatsiz seriyasini davom ettirmoqda.
"Benevento" – "Milan" 0:2
3 yanvar, 22.00, «Chiro Vigorito»
Gollar: 0:1 – 15, Kessie (penalti), 0:2 – 49 Rafael Leau.
"Benevento" – Montipo, Tuyya (Fulon, 62), Barba, Letisia (Improta, 39), Glik, Skyattarella, Ionise, Insinye (Sau, 82), Xetemay (Monchini, 46), Kaprari (Di Serio, 81), Lapadula.
"Milan" – Donnarumma, Kalabriya (Konti, 81), Diogu Dalot, Romanyoli, Kyer (Kalulu, 81), Tonali, Chalxanoglu, Rebich (Kastilyexo, 71), Kessie, Braim Dias (Krunich, 36), Rafael Leau.
Ogohlantirishlar: Skyattarella (32), Chalxanoglu (41), Diogu Dalot (78), Rafael Leau (80).
Chetlatish: Tonali (33).